Struktur Organisasi

Tentang

Jamane wus jaman edan

Samubarang wus kewola wali

Negara bubrah ajur ajer

Panegak hukum negara korupsi

Mentri, jendral polisi, wakil rakyat pada korupsi

Kitab suci tekan daging sapi pada dikorupsi

Nyolong sandal mati digebugi

Gresek kayu rencek dikecrek pak polisi

Pejabat korupsi oleh remisi

Negara rusak merga korupsi

Jaman apa iki?

Jamane wus sungsang bawono balik

Wong kere ora oleh lara

Maling tela mlebu kunjara

Pejabat korupsi dadi penguwasa

Korupsi iku hobine pejabat

Ora kenal pangkat

Ora kenal drajat

Kan gawe sengsara rakyat

Panguwasane pada bejat

Negarane sansaya sekarat

Korupsi iku gaweane pejabat

Ora dinyanya ketua MK bae korupsi

Rakyat sansaya mlarat

Uripe rakyat sansaya sekarat

Sing sugih sansaya sugih

Sing mlarat sansaya mlarat

Indonesiaku riwayatmu saiki!

Indonesia negara adiluhung gemah ripah loh jinawi

Diregedi dening pejabat-pejabat bejat kang korupsi

Olehe ngrebut pangkat saka suap lan korupsi

Nalika pemilihan janjine lamis-lamis nyenengake ati

Eeee lah dalah sawise kapilih pada blenjani janji

Alane pada bareng-bareng korupsi

Iki kelakuane pejabat-pejabat saiki

Duh Gusti kapan negara iki bebas seka korupsi?

Denening: Mas Lara Jiwa